Американскиот претседател Џозеф Бајден пристигна во ненајавена посета на Киев, соопшти Министерството за надворешни работи на Украина.
Biden and Zelenskyy in Kyiv pic.twitter.com/tEliezC7RV
— OSINTtechnical (@Osinttechnical) February 20, 2023
Како што објави новинарката Хана Лиљубакова на својот Твитер профил со приложено видео: Ова навистина се случува. Бајден е во Киев на плоштадот Михајловски. Со звуците на сирените за воздушен напад, тој им оддаде почит на паднатите бранители на Украина“.
#Ukraine This is really happening. @POTUS is in Kyiv on Mykhailivska Square. To the sounds of air raids, he honoured the fallen defenders of Ukraine. pic.twitter.com/qH6oomH5ED
— Hanna Liubakova (@HannaLiubakova) February 20, 2023
По повод доаѓањето во Киев, Џозеф Бајден објави на Твитер.
„Како што се приближуваме до годишнината од руската брутална инвазија на Украина, денеска сум во Киев за да се сретнам со претседателот Зеленски и да ја потврдам нашата непоколеблива посветеност на демократијата, суверенитетот и територијалниот интегритет на Украина“, напиша Бајден.
Тој додава дека кога Путин ја започнал својата инвазија пред речиси една година, „мислел дека Украина е слаба, а Западот е поделен. Мислеше дека може да не надживее. Но, тој не беше во право.
Во текот на изминатата година, Соединетите Држави изградија коалиција на нации од Атлантикот до Пацификот за да помогнат во одбраната на Украина со невидена воена, економска и хуманитарна поддршка – и таа поддршка ќе продолжи“.
As we approach the anniversary of Russia’s brutal invasion of Ukraine, I’m in Kyiv today to meet with President Zelenskyy and reaffirm our unwavering commitment to Ukraine’s democracy, sovereignty, and territorial integrity.
— President Biden (@POTUS) February 20, 2023
Зеленски на својот Фејсбук профил објави видео од официјалниот пречек на американскиот претседател во Киев.
Министерството за надворешни работи утринава соопшти дека еден од „главните“ западни партнери на Украина се очекува да го посети Киев. Утрово, исто така, блокирани се голем број улици во главниот град, вклучително и во близина на железничката станица и амбасадата на САД, објави Украинска Правда.