Голема тага во семејството на Мадона – почина братот на поп дивата

Ентони Чиконе, постариот брат на познатата пејачка Мадона, починал вчера на 67-годишна возраст, пишува extratv.com.

Ентони живеел со неговата друга сестра, а познато е дека имал проблеми со алкохолизмот.

Ентони долго време се борел со алкохолизмот, а пред повеќе од 10 години беше објавено дека со години живее под мост во Мичиген и дека неговото семејство престанало да му помага.

Кралицата на поп музиката засега не се огласи по овој повод.

Мадона ја изгубила својата мајка на рана возраст, за што често зборува во интервјуата кои ги дава.

„Смртта на мајка ми ме одбележа, цел живот ми недостигаше, тоа е дупка која никогаш не сум успеала да ја пополнам“, изјави еднаш Мадона.