„Ќе се повлечам од функцијата извршен директор веднаш штом најдам некој доволно глуп да ја преземе работата! После тоа ќе ги водам само софтверските и серверските тимови“, напиша Илон Маск на својот профил на „Твитер“.
Преземањето на „Твитер“ од страна на Маск во октомври за 44 милијарди долари изгледаше хаотично и спорно, а некои инвеститори се прашуваа дали тој е премногу расфрлан за правилно да ја води својата компанија за електрични возила Tesla Inc, каде што тој лично е задолжен за производство и инженерство.
I will resign as CEO as soon as I find someone foolish enough to take the job! After that, I will just run the software & servers teams.
— Elon Musk (@elonmusk) December 21, 2022
Со објавата објава Илон Маск за првпат споменува дека ќе се повлече од челната позиција на социјалната платформа, откако мнозинството од учесниците во анкетата што тој самиот ја организираше преку „Твитер“ од неделата вечерта гласаа за негово заминување.
Околу 57 отсто од над 17,5 милиони испитаници се изјасниле за пензионирање на Маск, одговарајќи со „да“ на неговото прашање „Дали треба да се повлечам од челната позиција на Твитер?“.
Маск не ги наведе роковите во кои ќе се пензионира, ниту пак го спомна името на можен наследник.
Откако го презеде „Твитер“, цената на акцијата на „Тесла“, која исто така ја поседува, падна за една третина, што ги поттикна шпекулациите дека милијардерот е под притисок да се повлече од платформата за социјалните медиуми.