Украинската војска ги отфрли руските тврдења за контрола на Соледар и го спореди интензитетот на борбите на областа со Втората светска војна, а официјален Кремљ повика на претпазливост откако паравоената група Вагнер рано во средата тврдеше дека го освоила градот познат по своите рудници за сол. Арман Солдин, репортер на агенцијата АФП, коментира дека Соледар „веројатно е најлошото место на планетата во моментов“.
Серхиј Череваџи, портпарол на Источната воена команда, за украинската телевизија изјави дека украинските сили не и дозволуваат на руската армија да ја пробие нивната линија на фронтот.
„Градот не е под контрола на Руската Федерација. Се водат жестоки битки“, нагласи тој.
„Таму ситуацијата е комплицирана“, додаде Череваџи и посочи дека воената команда сега работи на „стабилизирање на ситуацијата со максимални последици за непријателот и минимални загуби за Украина“.
Heavy fighting in #Soledar continues.#ArmUkraineNow #Ukraina #WarInUkraine #RussiaisATerroistState pic.twitter.com/Tv3tAObIDL
— ЄС Хмельниччина (@ka_hmel) January 11, 2023
Руската платеничка група Вагнер претходно објави дека го освоила Соледар, мал град познат по своето производство на сол, североисточно од Бахмут, град во Донбас кој Русија се обидува да го заземе со месеци, испраќајќи голем број свои сили таму.
„Интензитетот на борбите кај Бахмут може да се спореди со Втората светска војна“, рече Череваџи.
Репортерот на АФП, Арман Солдин, споделувајќи видео линијата на фронтот, коментирајќи ја ситуацијата пишува, „се чини дека битката кај Соледар се одвива силно и не е завршена. Сепак, веројатно најлошото место на планетата во моментов“.
Planes. Rockets. Flares. Grad. Rockets. Tanks. Shelling. Heavy artillery. Rounds of automatic guns. Wounded. Reinforcements. Battle of Soledar seems to be going strong and not over. Probably the worst place to be on the planet right now though #afp #ukraine #soledar #bakhmut pic.twitter.com/P949aVU4FL
— Arman Soldin (@ArmanSoldin) January 11, 2023
Во средата Русија објави дека напредува во областа Соледар, но призна големи загуби.
Запрашан за ситуацијата на теренот, портпаролот на Кремљ, Дмитриј Песков рече: „Да не брзаме, да чекаме официјални соопштенија“. Во тек е позитивна динамика“.
Песков ја призна високата цена на операцијата во однос на животите на војниците.
„Иако тактичките успеси се исто така многу важни, тие доаѓаат со висока цена, на сметка на фантастичниот херојство на нашите борци, па тоа е уште една причина да се гордееме со нашите момци на теренот кои не штедат ниту живот, ниту здравје за да ни ги дадат овие тактички успеси“, рече портпаролот на Кремљ.