Генералниот секретар на НАТО, Јенс Столтенберг зборуваше по Бајден на состанокот на источното крило на НАТО и рече дека е „толку задоволен и толку импресиониран“ од „извонредното лидерство“ на американскиот претседател.
Посетата на Бајден на Киев испрати јасна порака за непоколеблива поддршка за Украина и американската „цврста посветеност на безбедноста на Европа“, рече Столтенберг.
Тој рече дека Владимир Путин „се подготвува за нова војна“ и дека сојузниците во НАТО мора да ја одржат и да ја зголемат поддршката за Украина. „Мораме да и го дадеме на Украина она што и треба за да надвладее“, повика тој.
„Не знаеме кога војната ќе заврши, но кога ќе заврши, мораме да се погрижиме историјата да не се повтори. Видовме руска агресија во текот на многу години – Грузија во 2008 година, Крим и Донбас во 2014 година, а потоа целосната инвазија на Украина минатата година. Не можеме да дозволиме Русија да продолжи да ја уништува европската безбедност. Мораме да го прекинеме кругот на руската агресија. Сојузниците на НАТО никогаш не биле пообединети“, рече Столтенберг.