Шпанија ќе испрати тенкови Леопард во Украина

Шпанија има намера да испрати четири до шест тенкови „Леопард 2А4“ во Украина, пишува мадридскиот дневен весник „Ел Паис“, повикувајќи се владини извори.

Бројот на тенкови ќе зависи од нивната состојба во складиштето и од тоа колку други земји испраќаат оклопни возила за да и помогнат на Украина.

Украинскиот министер за надворешни работи Дмитро Кулеба рече дека неговата влада очекува да добие од 120 до 140 тенкови од 12 западни земји при првата испорака.

Тоа се тенковите „Леопард 2“ од германско производство, британските „Челинџер 2“ и американските „Абрамс“, а Киев „навистина смета“ на француските тенкови „Леклер“, рече Кулеба.